MAHMUD SA’DIY FAOLIYATI VA UNING O‘ZIGA XOS JIHATLARI

Abstract

Annotatsiya: Mahmud Sa’diyning o‘ziga xos muharrirlik maktabi alohida va maxsus tahlilga, tadqiq etishga va o‘rganishga loyiq. Hozirgi axborot asri jarayonlari an’anaviy ommaviy axborot vositalari tushunchasiga, matbuot va tahririyat tushunchasiga o‘zgartirishlar kiritib yubordi. Axborot texnologiyalari misli ko‘rilmagan darajada o‘zgardi. Ma’lumot to‘plash, uni matbuotda e’lon qilishga yaroqli “tayyor ashyo”ga, ya’ni materialga aylantirish ayrimlarning nazarida jo‘n bir yumushga aylanib qolgandek tuyulmoqda. Vaholanki, dolzarb va muhim mavzu tanlashdan tortib, uni haqiqiy muallifiga yozdirish, maqolani tahrir qilib, gazeta sahifasiga joylashtirishgacha bo‘lgan jarayon g‘oyat murakkab jarayondir. Mahmud Sa’diy bu ishlarning mukammal o‘zlashtirgan ustoz mutaxassislardan hisoblanadi.