TURAR JOY HOVLILI UY VA XONADONLARNI TANLASH HAMDA SHAKLLANTIRISH UCHUN ZARUR TALABLAR VA SHAROITLAR

Abstract

O‘zbekiston mustaqillikka erishganidan keyin ijtimoiy-iqtisodiy sohada rivojlanish jarayonining sezilarli darajada o'sishi ko‘zga tashlanmoqda. Respublika aholisining madaniy darajasi va moddiy farovonligining oshishiga qarab uning faolligi, xarid qobiliyati, sport, ko'ngilochar tomoshalar hamda jamoat xizmatiga yo‘naltirilgan boshqa muassasalarga talab ham o‘sib boradi. Keyingi yillarda respublikamizga xorijlik sayyohlarning kelishi sezilarli darajada o'sganligi kuzatilmoqda. Mamlakatimizda o‘tkazilayotgan ilmiy anjumanlar, simpoziumlar, ijodiy uchrashuvlarga xorijlik olimlar, ishbilarmonlar, diplomatlaming tashriflari sezilarli darajada faollashdi. Bularning barchasi jamoat manfaatlariga xizmat qilishga yo‘naltirilgan binolar, turar joylar, mehmonxonalar, teatrlar, kinoteatrlar, supermarketlar, madaniy-ma’rifiy, sport, savdo markazlarini jadal rivojlantirish uchun obyektiv shart-sharoit yaratmoqda. Shu sababli O‘zbekiston hukumati ilmiy-texnika taraqqiyotining rivojlanishini jadallashtirish va turar joy, jamoat va sanoat binolarini barpo etish, yangi qurilish materiallari va konstruksiyalarga o‘sib borayotgan ehtiyojlami ta’minlash uchun qurilish industriyasining moddiy-texnika bazasini mustahkamlashni ustuvor yo‘nalishlar qatoriga kiritgan. Ayni paytda yangi qurilayotgan obyektlami loyihalash va qurilish sifatiga talablar oshib bormoqda.