IKKILAMCHI TOLALI CHIQINDILARDAN MAHSULOT TURLARINI ISHLAB CHIQARISH UCHUN ULARNI QAYTA ISHLASH JARAYONI

Аннотация

Annotatsiya. Hozirgi davrda tabiiy resurslardan tayyorlangan, ekologik toza mahsulotlarga bo’lgan talab keskin ortmoqda. Bu esa tabiiy resurslardan oqilona foydalanish, yangi resurs manbaalarini topish hamda muomaladan chiqgan tabiiy resurslarni qayta ishlashni talab etadi. Yuqoridagilarni hisobga olgan holda, ushbu maqola ikkilamchi tolali chiqindilar ya’ni makulaturalarni qayta ishlash bo’yicha tadqiqot natijalariga bag’ishlangan. MC-3 markali makulatura kitob, jurnal va arxiv qog’ozlaridan tashkil topganligi sababli sifatli xomashyo saqlovchi ikkilamchi resurs hisoblanadi, ammo uning tarkibida tipografiya bo’yog’i borligi ushbu ikkilamchi xomashyodan foydalanish imkoniyatini cheklaydi. Maqolda keltirilgan tadqiqot natijalari MC-3 markali makulatura tarkibidagi tipografiya bo’yog’ining bog’lovchisi hisoblangan yog’simon-mumsimon moddalarni ishqoriy qaynatish usuli orqali eruvchan holatga o’tkazish va erigan bog’lovchilarni sirt faol moddalar ta’sirida emulgirlab, tola tarkibidan chiqarish jarayonlari keltirilgan. Yog’simon-mumsimon moddalarni eruvchan holatga o’tkazib, ikkilamchi tolali chiqindi tarkibidan chiqarish jarayoni undan olingan qog’oz namunalarining kapillyarligi bilan tekshirilgan, ishqoriy qaynatish jarayoni ikkilamchi tolali chiqindining mexanik mustahkamligiga ta’sir etish xomashyoning polimerlanish darajasi bilan nazorat qilingan.