“LISON UT-TAYR” DOSTONIDA QO ‘LLANGAN PAREMALARNING TEMATIK GURUHLANISHI

Abstract

Annotatsiya: “Lison ut-tayr majoziy asar. Qushlar ta’riflangan boʻlsa-da, asar Alloh visoliga yetishish haqidadir. Asarda uchragan maqol, matal, hikmatli so‘zlar tematik tahlil qilindi. Alisher Navoiy ijodi janriy rang-barangligi hamda mazmuniy-gʻoyaviy yuksakligi bilangina emas, balki ilgʻor fikr-gʻoyalarning oʻziga xos ifodasi bilan ham oʻzbek she’riyati tarixida yuksak mavqega va shuhratga ega ekanligi hech kimga sir emas. Navoiy lirik janrlar doirasini kengaytirish va poetik jihatdan rivojlantirish, ularning ijtimoiy mohiyatini oshirish borasidagi tashabbuslari yuksak gʻoyalarning mukammal badiiy shaklda ifodalanishi uchun imkon beradigan poetik vositalar topib, ijod jarayoniga keng joriy etish yuzasidan olib borgan jiddiy ishlari bilan bevosita qoʻshilib ketgan. Binobarin, Navoiy asarlarining gʻoyaviy-badiiy qimmati, shoir san’atkorligining oʻziga xos qirralari uning poetik tasvir vositalari doirasi, shuningdek, ularni qoʻllash usullarida yanada aniq namoyon boʻladi.